#Video, #Khotbah, #Khotbah Minggu, #Misericordias Domine, #18 April 2021, #Bahasa Batak, #Psalm.106:1-5:MANGOLU DIBAGASAN HOLONG SATIA NI DEBATA #Mazmur 106:1-5: Hidup dalam Kasih Setia Tuhan
Video ini berisikan Khotbah berbahasa Batak yang melukiskan kesatuan hati dan iman umat.
Taingot dope hata ni endenta, BE No. 255 on, "Holan sada do na ringkot, Jesus lehon i di au, Manang aha pe na dapot, ndang tuk pasonangkon au, nang arta, nang sangap, sude hamoraon, ndang tau mangalehon di àu hasonangan. Alai molo dapot na sasada i, tongtong las rohangku hinorhon ni i". Atik pe ndang hata ni Psalmen 106 na sinurat di ende on, alai si sada soara do ende on dohot Psalmen 106 on, rap manghirim di na rumingkot di bagasan ngolu on dohot ngolu sogot. Tudos ma on tu sada umpma, Ai godang do halak na so tarjalosa molo marsuga do bunga mawar, Hape nian ingkon mauliate do roha molo marsuga pe mawar i, asa ture ganup halak na lomo roha naeng mambuat mawar i. Ai molo so ture pambuatna tarsuga ma ibana, nang pe diujungna marungutungut ibana. Dungi ringkot do angka barang nauli manang na berharga ingkon dilindung dohot denggan. Ai ido alat na mempertahankan diri, dang boi mawar i manghatai. Aut gari boi ibana manghatai intor dohononna do mauliate ma di Tuhan. Ingkon idaonta do sian ragam sisi. Songon na somal tadok: "it's all in the state of mind". Bahwa dalam hal buruk tidaklah berarti semuanya buruk. Bahkan laos buruk pe kulitna belum tentu roa pangalahona, ido kan? Pasti sai adong dona denggan dibalik situasi buruk na ta alami. Jadi sintong do ajakan mandok mauliate do turpuk on. Naeng pe sasintongna na maol situtu do na manghamauliatehon silehonlehon. Apalagi silehonlehon ni Debata. Laos godang do muse na berusaha jumpa dohot Debata alai na maolan berkorban. Na maol apalagi mandok mauliate molo dung dapot sinangkap ni rohana. Ai dietong do naung kewajiban ni Debata mamasumasu ibana.
Bukti maol ni na mandok mauliate tu Debata, terbukti antar torop do halak berusaha mengucapkan syukur holan sebatas kata-kata, dang sian roha. Cukup holan 2 M (Mandok mauliate), manang 3 M (Mauliate ma amang). Hape nian nunga mansai ragat hata ni Debata di Bibelta i sipaingot mandok mauliate di saluhut naung tajalo i. Jala turpuk on ma sada. "Haleluya! Mandok mauliate ma hamu di Jahowa, ai na basa do Ibana, ai ro di salelenglelengna do asi ni rohana i. “Bersyukurlah kepada TUHAN, sebab Ia baik! Bahwasanya untuk selama-lamanya kasih setia-Nya." Nunga marulak loni turpuk on ditariashon bahkan di kitab Tawarikh dan Yeremia.
Ragam do alasan ni ganup ingkon mandok mauliate jala mangolu di bagasan Tuhan i. Alasanna Marragam. Tontu molo disungkun tu hita ganup, aha do na rumingkot di bagasan ngolum, marragam be do ra alusta, mulai sian hepeng singkola ni dakdanak, hahipason ni pamatang pandaraman ni ngolu na dumenggan, sahat tu anak mangoli dohot boru muli, ro di pahompu di anak dohot pahompu di boru. Alai marasing situtu do molo Parpesalmen on, na rumingkot di Ibana ima tongtong mian di bagasan asi ni roha ni Tuhan i. Dibuhai do turpuk on marhite pujipujian marningot hasangapon ni Debata, jala tarida do i di sude pardalanan ni bangso ni Debata, ima bangso Israel. Nang pe jotjot nasida manadingkon Debata, jala mangalupahon nasa na uli na denggan naung jinalo nasida sian Debata. Alai tongtong do mulak roha ni Debata maradophon nasida. Alani rumang ni turpuk on ima ende hamauliateon di las ni roha ala jumpang ni bangso i jaminan rekonsiliasi, atik pe tongon mangadopi rimas ni Jahowa nasida.
Molo tarohahon do piga-piga tokoh di Bibelta on na boi tontong mardalan marhite hasatiaon dohot haporseaon tu Debata, isarani si Job, bah tung mansai bagsa do musu na mangonggop ibana. Alai tung dipuji dibana do Debata nang pe ingkon bagas marsitaonon ibana (Job 1:20-22). Songon i nang si Daud, sampe hona buru/lele, naeng dibunu si Saul jala terjebak di gua. Aha do dibahen si Daud mangadopi na masa i? Malah lam dipuji Ibana do Debata jala marende ibana(Psalm 57:1-12). Aha muse ma na masa di si Paulus dohot si Silas uju di penjara nasida? Ndang hea disolsoli nasida nasibna, alai lam dipagomos nasida do martangiang jala marende pangiar suarana tu Debata, pola saluhut pangisi ni penjara mambege ende nasida. Aha ma muse ma sidung ? Masa ma lalo na gogo situtu asa saluhut pintu dohot palang ni penjara i tarungkap, umbahen malua nasida. Ndang holan disi masama pertobatan besar besaran di humalian dohot keluargana, termasuk ma kepala sipir ni penjara i (Ul. Ap 16:19-40). Ima bukti holong satia ni Tuhan i, na manontong mandongani angka na porsea jala satia tu Ibana. Ndang adong pola sihabiaran, justru na ingkon siulahononta ima mandok mauliate jala mangolu di bagasan asi ni roha ni Debata. We are never alone even in the deepest trouble. Amen.